社速
真係走得快好世界？
真係走得快好世界？
現今社會唔止所有嘢講求速度，你想成為一個專業都可以用好短嘅時間就可以達成，由幾時開始用文憑黎證明你嘅能力，又係幾時開始一張證書就可以代表你係一位專業嘅導師？呢d證書有冇認受性？喺邊度有認受性？究竟何謂專業？網絡上面經常性都出現一啲只需上x個鐘就可以成為導師，五花八門嘅成人x x速成班⋯⋯
呢d現像其實係速成文化（Fast Culture）嘅一種，係指喺快速變化嘅社會環境裏面，特定文化同價值觀嘅迅速形成同傳播。呢種文化經常都受到科技、媒體同社交平台嘅影響，令到信息同趨勢能喺短時間之內廣泛傳播，並迅速影響人嘅生活方式同思維方式。
速成文化對日常生活嘅影響大概喺呢幾個：
- 消費習慣：
- 速成文化促使大眾追逐潮流，經常購買最新嘅產品，導致消費頻率提高。
試諗下係因為相信其他人嘅眼光（例如KOL、網紅、明星或其他人)而去買呢？定係自己真正嘅需要而去買呢？亦有一d宣傳係先買先享受嘅手法，令你因此過度消費一身債或浪費金錢。
- 社交互動：
- 社交媒體平台嘅普及改變咗大眾嘅交流方式，信息同趨勢嘅快速傳播令大眾更容易獲得社交認同。
社交媒體傳播氾濫嘅資訊有幾多係我哋需要知道？我哋有冇篩選過我哋接收到嘅資訊？社交媒體上嘅資訊同評論，對你嘅思維有幾多影響？但真正嘅良好社交真係咁？從前我哋認識嘅朋友係需要真正嘅相處同交流，但依家係足不出戶都可以結識到所謂的朋友，
- 娛樂選擇：
- 快速消費嘅內容（如短片、即時音樂、電子遊戲）成為主要娛樂方式，傳統嘅閱讀同深度思考嘅習慣可能受到影響。
看似短時間睇咗好多野表面知道好多野，並唔係做咗好多野，亦冇咗對事情嘅真實理解，反而對深度思考同閱讀係覺得浪費時間。
- 價值觀塑造：
- 隨著新嘅文化現象不斷湧現，大眾嘅價值觀同生活目標可能變得更加短視，重視即時嘅滿足感而非長期嘅成就。
當跟隨嘅目標係大眾嘅目標，而唔係你自己真正想達到的目標時，往往都會因為咁樣而迷失方向，即時嘅滿足亦會擴大無止境嘅欲望同內心嘅空洞。
- 心理健康：
- 隨著對新潮流嘅追求，部分人可能感到壓力，因為需要不斷更新自我嘅形象同生活方式，呢d因素可能影響心理健康。
看似新潮流係一種指標，但其實只係一種流行嘅表達，盲目嘅追求只係隨波逐流，別人嘅生活方式未必適合你，網絡上的資訊亦只流於表面，經過無數嘅包裝才上載傳送到你眼中，亦只係視覺上嘅享受，導致跟住買，跟住一樣嘅思考，就會成為同你一樣嘅人，咁就會感受到一樣嘅生活，所帶嚟呢種錯覺。
- 速食健康：
隨着對健康嘅追求，各種各樣嘅健康資訊，呢啲所謂嘅健康資訊喺邊度嚟？琳琅滿目嘅保健產品，有幾多係身體真正需要？我哋有去了解我哋進食嘅食物營養嗎？對進食後給予我哋身體嘅反應？其實食物嘅本質應該係健康、自然而簡單無添加，養成呢d習慣：謹慎篩選食物、食新鮮嘅蔬果、作息正常、簡單嘅運動、補充充足嘅水份、多曬太陽、多接觸大自然，已經可以增強身體健康。服用保健產品只可以話係輔助性質，而唔能夠取代食物嘅營養，養好健康嘅身體係需要持之以恆嘅良好習慣，即係健康並唔能夠速成。
- 速成食物：
動物嘅催谷成長，注射抗生素，通過生長激素黎催熟農作物，呢d都喺我哋日常生活好多機會可以買到嘅食物，長期進食呢d食物就會影響我哋嘅健康，真係佢哋食乜我哋吸收d乜。我哋需要有意識咁去選擇優質食物，好好為自己嘅健康把關。
- 全球視野：
- 速成文化係全球化令大眾更容易接觸到唔同嘅文化，跨越國界擴大咗大眾嘅視野，令唔同文化之間嘅界限變得模糊。
視野雖然好似放大咗，但真正嘅感受就縮窄咗，因為真正需要體驗，先至有感受，沒有歷史就沒有現今更沒有未來，創意亦係因真正體驗過同感受過，再改良得更好的產物，我哋要好好參考有用嘅資訊，利用有用嘅資訊去計劃同實踐，咁先可以去創造一個更好嘅未來。
總體而言，速成文化深刻影響著大眾嘅生活方式、價值觀同社交行為，帶黎咗方便同快樂，但同時亦引發咗一d潛在嘅危機。
所有文章均來自於網絡或不同的作者，不代表本站立場，如有侵權或其他問題請即聯繫我們[email protected]，我們會立即處理。
