懸疑檔案小說《無助者。吶喊》
香港有句說話叫做「串金尺土」，而我們就是生活在這個細小而壓迫既地方。由於生活空間壓迫，生活壓力無法得到適當舒緩，往往容易產生家庭暴力、精神問題等。由於上述種種既原因，便產生了以下既故事.........
「鳴嗚....... 我唔想架 ......我真係無心架.......鳴嗚」兇手激動地邊陳述事件經過，一邊嚎哭。
「你冷靜啲，唔洗急，慢慢講」在旁落口供既警員試圖安撫他，使他能夠繼續完成口供。
他終於漸漸地回復冷靜說：「我叫亞樂，今年二十七歲，由於我患了精神分裂症二十幾年， 一直需要依靠長期服食精神藥物來幫助治療。在藥物既影響下，使我無法像常人一樣，集中精神應付長時間的工作。所以我一直找不到穩定的工作，也沒有穩定收入。我和爸媽同住在葵涌某個公屋屋邨三十七樓...... 」
我記得...... 這晚街外橫風橫雨，風大到好似就快將樹拔出來一樣，天文台也懸掛咗八號風球。雨水好似瀑布咁拍打窗戶，風刮得鋁窗吱吱亂響，雷聲每隔幾秒轟轟地響。我縮喺自己間房嘅角落，雙手緊緊捂住耳仔，試圖隔絕雷聲，但都無用。
這晚....... 我既病發作，外面的雷雨聲令到我心情好煩躁，我不停係櫃桶找藥，想透過藥物來平靜我腦裏既嘈吵聲音。
我終於找到......可惜，驚覺藥瓶已經無藥，當時我好亂真係唔知點算。而葵涌政府診所又因颱風關係提早關門。腦袋非常混亂，怪聲喺耳邊迴盪，好似惡魔喺我腦入面敲鼓，這刻我好辛苦.....真係好辛苦。
憶述痛苦家庭裂痕
「阿樂，瞓啦！成晚喺度搞乜呀！」阿爸嘅咳嗽聲從隔籬房傳來，沙啞嘅聲線夾雜喺雷聲之間。阿媽低聲應咗句，幫阿爸拍背喇，佢哋嘅身影喺微弱嘅床頭燈下顯得蒼老。阿爸六十八歲，長期氣管炎；阿媽六十五歲，膝關節退化，行路要撐枴杖。佢哋同我相依為命，住喺呢個四百呎嘅公屋單位，靠綜援同阿爸退休金過生活。
我唔係唔愛爸媽，但佢哋嘅說話好似一把刀插入我心臟，我不斷積累喺心裏似快要割出血。「你點解唔爭氣啲？」「你啲病拖累晒我哋！」阿爸經常咁講，語氣帶住無奈同埋怨。阿媽雖然溫和啲，但總會補一句：「阿樂，你試吓努力啲，搵份工，唔好成日靠我哋。」佢哋唔明白，我其實唔係懶，而係腦入面嘅怪聲同幻覺，會喺無預警嘅時候冒出嚟，催我做出可怕嘅事。
我試過同爸媽解釋，話自己聽到怪聲，會覺得有人想害我，但阿爸只會對我黑面：「你唔好再扮病搵藉口！」阿媽則嘆氣，勸我「唔好諗咁多」。佢哋嘅反應讓我更加感到被孤立及無助，病情同家庭壓力使我感到越積越重，像一顆隨時會爆炸既計時炸彈。
突然病發
雷聲引爆事件，我腦裏既怪聲比平時更加兇狠。雷電一閃，照亮屋企嘅灰色牆壁，腦入面嘅聲音像惡鬼不斷瘋狂大叫，嘲笑我「佢哋嫌棄你！佢哋想害你！快啲殺咗佢哋！」我咬緊牙，攞枕頭壓住頭，試圖想盡量壓住聲音，但雷聲同風聲太嘈，像放大咗怪聲嘅威力。我嘅心跳加速，汗水滲出額頭，腦袋像被撕裂。喺精神病急性發作下，我嘅被害妄想症狀爆發，怪聲變成命令，催促我採取行動。
我唔知點解行咗去廚房，手顫抖咁攞起咗把菜刀。刀口崩咗一角，平時用來切菜都嫌鈍，但這把刀喺我手上感覺特別重。我推開咗爸媽房門，雷聲又再響起，閃電照亮佢哋縮喺床上嘅身影。阿爸咳到面都紅，阿媽幫佢拍背，見到我拎住刀企喺房門口，佢哋嘅表情由疑惑變成驚恐。「阿樂，你.....你做乜拎住把刀？」阿媽嘅聲音抖到幾乎斷續。阿爸拼命掙扎坐起身，咳嗽著喊：「你....你想點？」
怪聲喺我腦入面繼續咆哮：「落手！現在落手！快啲....」我嘅理智喺嗰一刻斷線，腦入面只剩怪聲嘅命令。我舉刀斬落去，阿爸連聲都無出，頸部中刀，倒喺床上。阿媽尖叫半聲，試圖爬起身，但第二刀劈落，亞媽亦倒下。血流滿床，濺到我嘅面同手，熱辣辣，似雨水咁滑落。雷聲掩蓋咗所有聲音，三十七樓全層恢復死寂。
我殺咗佢哋之後個人好混亂咁呆企喺房門口，喘氣急促得無呼吸，菜刀隨即跌喺地板，發出清脆鐵聲。雷聲仍未停，但腦裏怪聲終於靜咗少少，像稱讚我已完成任務。我望住爸媽身體動也不動，佢哋既眼睛仲仍睜開，充滿驚恐同不解。我嘅心臟狂跳，兩行眼淚不知原因地直流滿面，立時心裏充滿內疚、後悔而恐懼攪得我腦袋更加混亂。我好錫我爸媽，但這病令我變成殺人兇手。
事後我稍為冷靜下來，意識到不能被人發現屍體。而公屋牆很薄，鄰居隨時聽到我家發出聲響既動靜；如果被警察查到，我可能會被送去青山精神病院，甚至要終身監禁。我第一下反應便想藏起這些證據。我走入廚房搵咗幾塊抹布，抹走地板同床上血跡，恐懼令我混亂得無想思考，我便隨手攞一個盤，將滿清水來回抹咗好幾次，直到感覺嗅唔到血腥味。我再將把菜刀洗乾淨，放回廚房抽屉，裝作從未用過。
跟住我又諗，屍體點處理呢？間屋咁細，無地方可以藏兩個大人既屍體。我突然記起佢哋床底有個舊鐵箱，係阿爸幾年前喺五金舖買嘅，平時用來裝舊衫同過期報紙，心諗應該足夠大，還有鐵鍊鎖住。我拖著爸媽嘅屍體過去，佢哋瘦削既身體沉重得令我幾次跌倒。我唔敢望爸媽既臉，怕見到佢哋嘅眼神。當我將屍體塞入鐵箱時，手抖振得差點關不到箱蓋，屍體蜷縮喺箱入面，發出輕微嘅擠壓聲。我用力將鐵箱砰一聲關上，用鐵鍊鎖死個箱，再推去回床底，箱面上堆滿雜物、舊報紙同膠袋，扮作是爸媽既舊收藏。
颱風雨聲、風聲掩蓋所有動靜，無人知。我喺爸媽房門口企咗一陣，腦入面一片空白
怪聲無再出現，似比我短暫嘅安寧。
偽裝與崩潰
接下來幾日，我試圖扮到一切正常。我同鄰居講，爸媽去咗新界親戚屋企暫住，街坊笑笑點頭，無再多問。連續多天雨勢仍然未停，隣居都躲喺屋企，少咗出來八卦，有助我掩飾犯罪罪行。我喺屋企保持如常地食飯、睇電視、瞓覺，但每晚瞓前，我都會檢查爸媽床底既鐵箱，確保鐵箱無異樣後才去瞓覺。
但我逃避不到自己嘅腦, 終於到第五晚.......，我開始見到爸媽嘅幻覺。佢哋企喺屋企客廳嘅角落，眼睛空洞而黑沉，血從面上流落，喃喃自語：「阿樂，你點解咁對我哋？」我驚到立即關上門窗、拉上窗簾。連續多天，幻覺仍然未停，尤其每天晚上特別嚴重。我試過大聲叫囂，試過拎水潑自己，爸媽嘅身影總喺我閉上眼時會浮現，腦裏既怪聲指控說：「兇手！你係兇手！去死吧！」幻覺唔單止影響我嘅精神，仲令我精神病嚴重，身體越來越衰弱。我瞓唔到覺，又食唔落嘢，整個人骨瘦如柴，眼圈黑到似鬼。
第十日，我開始聞到屋內有怪味，是從爸媽床底房傳出，是淡淡嘅腐臭味道，即使我用香氣噴霧都無法蓋過這種味道。我意識到應該係鐵箱入面嘅屍體開始腐爛，但我無膽打開鐵箱，怕見到爸媽個樣，我心理壓力越積越大。
有一晚.......，我又再次出現幻覺及幻聽，聽到阿媽喺廚房喊：「阿樂，食飯啦！」聲音溫柔得好似真既一樣，我衝出去，卻只見一張空枱。我屈著膝坐喺地，抱住頭，面上淚水同汗水混雜在一齊，怪聲同幻覺好似鐵鍊，勒住我條頸。我開始質疑自己仲有無人性，內疚感同病症嘅折磨將我推向快要崩潰邊緣。
自首《救贖抑或逃避》
兩個星期後，天氣晴朗得有點怪怪的，陽光照喺屋企嘅灰色牆壁，顯得格格不入。我真係頂唔順。房內怪味越來越濃烈得令人作嘔，幻覺同怪聲一直無停止過，我覺得自己再唔解決，就會被腦入面嘅惡魔吞噬。我喺屋企坐咗一晚，無瞓過，望住爸媽舊相架，喺相入面佢哋笑得好溫暖，但現在.............只剩鐵箱入面嘅冰冷。
第二朝，我鼓起勇氣行入葵涌警署，手不斷繼續抖動，我同警察講出一切，聲音細到幾乎聽唔清楚：「我.....我.......我殺咗我爸媽，屍體喺屋企鐵箱裏面。」警察起初以為我亂講，但見我眼神空洞，滿身汗臭，覺得此事有可疑，便決定上門查看。警察喺我爸媽床底打開咗個鐵箱，腐臭味撲鼻而來，爸媽嘅屍體蜷縮喺箱入面，已經開始腐爛。警察眼神從懷疑變成震驚，隨即將我銬起。
我被警察帶到屋企樓下，我回頭望上三十七樓屋企位置，窗靜靜地反射著陽光光線，似完全無發生過任何大事一樣。我喺警車裏面，怪聲同幻覺奇蹟咁細聲咗，但我爸媽臨死既臉孔，我知道會一世跟住我。
監倉鐵門關上，我坐喺冰冷嘅床板上面，腦裏面既聲音終於安靜晒。我唔知道未來會係坐監或送去青山精神病院，不過已經對我來講都無所謂..........。
或者.......自首係我唯一嘅救贖，又或者......只係我想逃離腦入面嘅地獄。唯一肯定嘅係，爸媽溫暖嘅眼神，會永遠刻喺我嘅記憶裏面，永遠磨滅唔到。
～完～
本故事純粹虛構
所有文章均來自於網絡或不同的作者，不代表本站立場，如有侵權或其他問題請即聯繫我們[email protected]，我們會立即處理。
