香港美食天堂：壽司篇

香港有美食天堂之稱我相信大家都唔會否認， 因為香港真係有好多唔同嘅菜式， 有法國菜，英國菜，日本菜，德國菜，泰國菜，越南菜，中國菜等等。 今日想同大家分享既，係日本菜其中一種最受香港人歡迎嘅菜式（壽司）。

我相信香港人對壽司呢樣嘢都唔會感到陌生， 而我最早期接觸到壽司嘅壽司店就係元祿壽司， 當時我對魚生都唔係特別有興趣，所以都會叫一啲已經煮熟嘅壽司款式作選擇， 但我朋友話你要連埋啲紫薑一齊食會對壽司有唔同嘅感覺，亦可能會對壽司改觀，果然，連同紫薑一起食會比較容易接受，而且當你接受到食魚生嘅時候你真係會食到海鮮獨有嘅鮮味，原來食壽司真係會上癮， 因為魚生嘅鮮甜味同日本醋飯嗰種口感真係好夾，有次同朋友去日本旅行都要喺當地搵迴轉壽司嚟食。

不如講下香港壽司嘅由來，早於1991年進軍香港開店的元祿壽司，是本地元祖級的迴轉壽司店！於沙田新城市廣場開設第一間分店，以碟碟10蚊作招來，由於當時未盛行日本菜生意一般，直至1995-96年與香港無線電視合作，因為贊助TVB的《超級無敵獎門人》節目，其中一個環節「辣辣壽司邊個食」廣為人知備受歡迎，全盛時期在全港擁有逾40間分店，但好景不常，到1998年因為亞洲金融風暴之後，壽司店易手環球飲食集團（亦即英皇），由最初以成龍為代言人，壽司亦變為5種價錢，每碟10元已成歷史；因為經濟下滑，店舖數量亦不斷下降，到2000年壽司工場亦結束，2012年後只剩下天水圍一間分店，該間分店也在2016年2月底結業。

而明將壽司絕對稱得上一代傳奇，雖然主打平價壽司，但在全盛時期在全港有多達十多間分店，更曾推出$50壽司放題！壽司的配搭同樣令人驚喜，人氣名物是紅豆軍艦、可樂糖軍艦、啫喱軍艦，吸引不少人前往挑機！可惜最後一間沙田分店於2020年結業。

及後 95 年，第一間日本過江龍迴轉壽司店「元氣」進駐金鐘，至今已有 67 間。當迴轉壽司在市場已有飽和之勢，2004 年，生力軍板前壽司及峰壽司相繼開業，創先以手握壽司作招徠，令迴轉壽司升格亦升價。另外亦加入新花款壽司，注入新元素，打破悶局，成為迴轉壽司的新食力，客人趨之若鶩。

迴轉壽司由最初的機製，到後來以手握，都是以推高壽司品質來吸引食客。到迴轉壽司店吃壽司，到底怎樣才算好吃？首先魚生要新鮮。以目測區分的話，紅魚要色鮮艷有光澤；白魚要通透濕潤，當中滲出一些油分為佳。入口要鮮美結實。

至於飯粒，粒粒分明，飽滿有光澤，飯面亦不可留有指印。米飯用意是吸取魚的油分，當中釋放醋香減少油膩感，所以壽司應該飯小魚大。魚生形狀最好窄長、拱形，覆蓋在飯上，口感爽潄有致，圓潤不糊口，帶米香。味酸甜適中，最好是四分甜、六分酸，偏酸又不失鹹味，以醋酸味來提升魚的鮮味。

其實當時香港仍然有好多形形色色嘅壽司店，係踏入千禧年後，壽司店喺香港如雨後春荀般湧現，例如板長、板前、爭鮮同埋一壽司等等。另外，日式放題亦成為咗香港人同朋友聚餐其中一個主流選擇。

時至今日香港仍然有好多人鍾意食壽司，而且依家最多人幫襯嘅應該係壽司郎， 而最便宜嘅都可以數算到爭鮮，我亦都會間唔中幫襯下，唔知你哋又鍾意去邊間壽司點食壽司呢？

所有文章均來自於網絡或不同的作者，不代表本站立場，如有侵權或其他問題請即聯繫我們[email protected]，我們會立即處理。